Извршниот директор на Сег Холдинг, Глигор Михаиловски, присуствуваше на работна средба со претставници од Европска Унија и општина Велес. На средбата се дискутираше за подобрување на квалитетот на живот на граѓаните.
Работната средба е дел од проектот “Паметни решенија Велес – Продолжуваме…” на општина Велес, кој е корисник на грант од програмата „ЕУ за Општините“. Проектот има за цел да го реши сообраќајниот хаос во центарот на градот и да се реализираат паметни пешачки и велосипедски зони.
Сег Холдинг е партнер на општина Велес, кој преку својата експертиза ќе придонесе кон успешно реализирање на проектот.